真係戲如人生~

今朝八點九先起身(返九點鐘)，五分鐘極速梳洗~

落到街諗住飛的~連續成七八架都有人~

跟住終於有架無人~點知響前面比人截左胡~

之後上到車，好似好順咁，去到公司附近

差一個燈位就落車~，但係因為塞車~個燈位足足~轉左三次先落到車

到公司樓下又岩岩走左兩部LIFT~

上到公司九點十六分(遲到頭十五分鐘唔使扣錢)

打卡果下當堂無言~

捱~而家先係開始~

捱~因為忙完一輪到放工，返到屋企仲要做ASSIGNMENT ~

捱~因為金融海嘯令你有工就要頂住~ 哩個都係開始~

有時真係覺得自己幾時都響度返緊工~

返公司要打去追UAE 追數

夜晚返到屋企要打去USA 東岸~ 朝早起身要打去USA GE 西岸~

哩個係過去幾個WEEKGE 生活~不過都只係開始

仲要比條能樣話我地唔努力追數~叫佢去仆街死啦~!

人大左，多左野煩~顧慮多左~好多野無得你選擇~

亦無辨法控制~ 逆來順受~我可以嗎?

太負面野～好想有多D 正面GE 野令自己開心D~

慢慢感受到社會GE 殘酷同金融海嘯GE 威力~公司CUT左唔少人~

自己DEPARTMENT都CUT左D~工作難免都增加左唔少~

哩排OFFICE GE 氣氛真係幾奇怪~

亦都異常地冷清，平時帶飯GE 我地都出左去食飯，因為實在太有壓力啦~

唔知哩個海嘯幾時先完成~最壞GE 時刻到左未呢?

明天出發發啦！

經過一輪工作之後，終於可以享受返一次旅程~

比之前兩次更期待~更想享受！~因為我真係好需要休息~